تعليق ناري من ميدو على تسريب عقود لاعبي الزمالك

تعليق ناري من ميدو على تسريب عقود لاعبي الزمالك
ستاد الأهلي

علق أحمد حسام ميدو، على تسريب عقود لاعبي الفريق الأول لكرة القدم بنادي الزمالك تحديدا مصطفى شلبي، ونبيل عماد “دونجا”.

قال ميدو في تصريحاته عبر برنامج الريمونتادا على قناة المحور: “اللاعيبة اللي اتسربت عقودهم في الزمالك، متنقيين بالاسم، وموضوع تسريب عقود اللاعيبة يهد أي فريق، واللاعيبة دي محتاجة الدعم، وزيدان أول 6 شهور في يوفنتوس كانوا عايزين يمشوه ومش بقارن، لكن بوضح إن أي لاعب محتاج فترة انسجام”

أضاف: “لما عقود لاعيبة الزمالك تتسرب في التوقيت ده، تعرف إن في مؤامرة مُنظمة من أجل إخلال التوازن بنادي الزمالك”

وواصل: “تسريب عقود لاعيبة الزمالك، وأبصملكم بالعشرة، جاي من ناس تنتمي لنادي الزمالك، وعمري ما دخلت انتخابات نادي الزمالك ولا هدخلها، لكن أنا هحارب أي بني آدم هيستغل مشهد معين للعودة إلى الأضواء مرة أخرى على حساب نادي الزمالك”

واختتم: “الزمالك بيمر بأزمة كبيرة، وكل من ينتمي لنادي الزمالك لازم يضع خلافاته مع أي شخص على جنب، لحد النادي ما يوصل لبر الأمان، وبعد كدة اعمل اللي انت عايزه في لعبة الانتخابات”

وطالب أحمد حسام ميدو، الأشخاص الذين قاموا بتسريب عقود لاعبي الزمالك، بالتعلم من أبناء النادي الأهلي، وقت الأزمات، مشددا على أن من ينتمون لنادي الزمالك هم الذين يقفون ضد نادي الزمالك.

وقال ميدو : “اتعلموا من أبناء النادي الأهلي، وقت الأزمات، يتحدوا من أجل ناديهم، وطول ما الزمالك في ناس عايزين ياخدوا الكرسي على حساب الكيان والنادي، هيفضل الزمالك زي ما هو، مش عشان النادي أقل من حد، لكن عشان فيه بعض المبادئ تاهت”

وأضاف: “اللي صغير بره الزمالك بيفضل صغير، وموضوع تسريب عقود لاعيبة الزمالك كشف ناس كتير، ومش هنسمح إن حد يهد نادي الزمالك، خاصة لمن ينتمون إليه”

واختتم: “الناس اللي بتنتمي لنادي الزمالك، وبتهد فيه، دول مش زملكاوية، ولا يستحقون أن يكونوا أبناء النادي”

تعليق ناري من ميدو على تسريب عقود لاعبي الزمالك
stadelahly

source https://stadelahly.net/2023/02/26/%d8%aa%d8%b9%d9%84%d9%8a%d9%82-%d9%86%d8%a7%d8%b1%d9%8a-%d9%85%d9%86-%d9%85%d9%8a%d8%af%d9%88-%d8%b9%d9%84%d9%89-%d8%aa%d8%b3%d8%b1%d9%8a%d8%a8-%d8%b9%d9%82%d9%88%d8%af-%d9%84%d8%a7%d8%b9%d8%a8%d9%8a/